जेष्ठ ४ गते, २०७० मा प्रकाशितकाठमाडौं । नेकपा एमालेकी नेतृ उर्मिला अर्याल र चलचित्रकी नायिका रेखा थापा आज एकीकृत नेकपा माओवादीमा प्रवेश गरेका छन् । दुबै जनालाई माओवादी अध्यक्ष पुष्पकमल दाहाल प्रचण्डले पार्टीमा भित्राएका हुन् । एमालेमा पोलिटब्युरो सदस्य रहेकी अर्याल पार्टी परित्याग गरी एमाओवादीमा प्रवेश गरेकी हुन् ।
आज विहान पार्टी कार्यालय कोटेश्वरमा कार्यक्रम गरी प्रचण्डले दुबै जनालाई प्रवेश गराएका हुन् । एकीकृत माओवादीले एक एक गरी एमालेका नेताहरुलाई आफ्नो पार्टीमा भित्र्याइरहेको छ । यसअघि पनि केही समयअघि एमाले नेता रामचन्द्र झालाई पनि एमाओवादीले आफ्नो पार्टीमा लगेको थियो । पार्टी प्रवेश गर्दै अर्यालले एमाले कम्युनिष्ट सिद्धान्त छाडेर पतन भएकाले असली कम्युनिष्ट माओवादीमा प्रवेश गर्नुपरेको बताए ।
अन्य समाचारहरु
