जेष्ठ ४ गते, २०७० मा प्रकाशित
सिरियामा दुई वर्षयताको सशस्त्र हिंसाका कारण १५ लाखभन्दा बढी सर्वसाधारण अरु मुलुकमा शरण लिन बाध्य भएका छन् । आफ्नो घरबार छाड्न बाध्य उनीहरु धेरैजसो छिमेकी मुलुक जोडर्न र लेबनान पुगेको राष्ट्रसंघले जनाएको छ । आधिकारिक तथ्यांक अझै नभएकाले यसको संख्यामा बढोत्तरी हुनसक्ने राष्ट्रसघीय शरणार्थी उच्चायोगले जनाएको छ ।
सिरियाका राष्ट्रपति बशार अल असादविरुद्ध गत दुई वर्षदेखि चर्केको आन्दोलनका क्रममा ८० हजारभन्दा बढी सर्वसाधारण मारिएको अनुमान राष्ट्रसंघको छ । ४२ लाखभन्दा बढी सर्वसाधारण देशभित्रै शरणार्थी बनेको अर्को तथ्यांक पनि आएको छ । ठूलो संख्यामा शरणार्थी आइरिएकाले तिनलाई खाने र बस्नेको व्यवस्था मिलाउन गाह्रो परेको पनि खबरमा उल्लेख छ ।
अन्य समाचारहरु
