राजमो एरिया न: ३ को प्रशिक्षण कार्यक्रम सम्पन्न

राष्ट्रिय जनमोर्चा एरिया न: ३ अर्घाखाँचीको भेला तथा प्रशिक्षण कार्यक्रम सम्पन्न भएको छ । राष्ट्रिय जनमोर्चा जिल्ला सदस्य कृष्ण के.सी को प्मुख आथित्यतामा संपन्न कार्यक्रमले विभिन्न जनवर्गिय संगठनहरुमा नयाँ नेतृत्वको चयन गरेको छ ।  

भेलाले भिमलाल आचार्यको अध्यक्षतामा ९ सदस्यीय राष्ट्रिय जनमोर्चा एरिया न: ३ को गठन गरेको छ । जसको सचिवमा ईन्द्रमणि रिजाल,कोषाध्यक्षमा यमलाल भुसाल रहनु भएको छ ।त्यस्तै जुद्ध के.सी को अध्यक्षतामा ९ सदस्यीय अखिल नेपाल युवक संघको गठन गरेको छ । जसको उपाध्यक्षमा तारा बहादुर थापा ,सचिवमा विशाल खड्का ,कोषध्यक्षमा कृष्ण रिजाल र सहसचिवमा गणेश आचार्य रहनु भएको छ । 

त्यसैगरी भेलाले रोमा खनालको अध्यक्षतामा १० सदस्यीय अखिल नेपाल महिला संघको गठन गरेको छ । जसको सचिव बसन्ता पन्थी र कोषध्यक्षमा तुलसा के.सी रहनु भएको छ । त्यस्तै झविन्द्र खड्काको अध्यक्षतामा ७ सदस्यीय अखिल नेपाल किसान संघको गठन गरेको छ । 

जसको सचिवमा फत्त बहादुर जोशी र कोषाध्यक्षमा यमलाल आचार्य रहनु भएको छ । त्यसै भेलाले  सन्देश खनालको अध्यक्षतामा ९ सदस्यीय अनेरास्ववियु छैठौ को गठन गरेको छ ।जसको सचिवमा दीपा के.सी र कोषाध्यक्षमा विद्या पराजुली रहनु भएको छ । 

गिरिराज आचार्यको अध्यक्षता र ईन्द्रमणी रिजालको संचालनमा सम्पन्न कार्यक्रममा अखिल नेपाल वुद्धिजिवि संघका गिरिराज खनाल र अखिल नेपाल शिक्षक संघका पोम नारायण पौडेलले शुभकामना मन्तव्य राख्नु भएको थियो ।