जेष्ठ ९ गते, २०७० मा प्रकाशितकाठमाडौं । काठमाडौं उपत्यका र आसपासका क्षेत्रमा परेको मुसलधारे वर्षाका कारण त्रिभुवन अन्तर्राष्ट्रिय विमानस्थलबाट राष्ट्रिय तथा अन्तर्राष्ट्रि उडान प्रभावित भएको छ । प्रतिकुल मौसमका कारण कतार एयरवेजको विमान अवतरण गर्न नसकी नयाँ दिल्ली पठाइएको थियो भने युनाइेटड बंगलादेशको विमान बंगलादेश नै फर्किएको थियो ।
केही विमानहरु भने मौसम सुधारको आसमा निकैबेर आकाशमा घुमेको पनि जनाइएको छ । वर्षाकै कारण आन्तरिक हवाई सेवा पनि प्रभावित भएको विमानस्थलले जनाएको छ ।
गत सोमबार पनि वर्षाका कारण एक घण्टा विमानस्थल बन्द नै भएको थियो ।
आज काठमाडौंमा ४१ दशमलव ६ मिलिमिटर वर्षा भएको मौसम पूर्वानुमान महाशाखाले जनाएको छ । वर्षाले राजधानीका केही मूख्य तथा भित्रि सडकमा पानी जमेका कारण सर्वसाधारणले भने कस्ट ब्यहोर्न वाध्य भएका छन् ।
अन्य समाचारहरु
