जेष्ठ १२ गते, २०७० मा प्रकाशितकाठमाडौं । संविधानसभा निर्वाचनमा गठबन्धन बनाएर जाने विषयमा मधेश केन्द्रित दलहरुले छलफल सुरु गरेका छन् । तराई मधेश लोकतान्त्रिक पार्टीको अगुवाइमा राजधानीको एक पार्टी प्यालेसमा मधेश केन्द्रित दलहरुबीच निर्वाचनमा गठनबन्ध बनाएर जाने विषयमा छलफल भएको हो । छलफलमा मधेश केन्द्रित १३ वटा राजनीतिक दलका नेताहरु सहभागी थिए ।
बैठकमा सहभागी नेताहरुले एउटै मोर्चा बनाएर निर्वाचनमा जाने विषयमा सैद्धान्तिक सहमति जनाएपनि मोर्चा नै बनाउने विषयमा थप गृहकार्य गर्नुपर्ने वताएका थिए ।
निर्वाचनमा जुट्ने र पछि फुट्ने शृंखलाका कारण मधेशी दलमा जनताको विश्वास गुमेकोतर्फ पनि ठूला मानिने मधेशी दलका नेताहरुले ध्यान दिनुपर्ने उनीहरुको भनाई थियो ।
बैठकपछि तराई मधेश लोकतान्त्रिक पार्टीका महामन्त्री सर्वेन्द्रनाथ शुक्लले छलफल सकारात्मक रहेको र मधेशी दलहरुबीच निर्वाचनका लागि गठनबन्धन बन्न सक्ने बताए ।
अन्य समाचारहरु
