बाबु रोका मगर”अपरिचित”
असुरकोट-९,जोगिटारी,अर्घाखाँची
म प्रेम गर्ने प्रेमीहरुको भाषा होइन
म देश प्रेमीहरुले बोल्ने भाषा को खोजी गर्दै छु |
म हजारौ पैसा खर्चेर प्रेमी-प्रेमिका लाई माया गर्ने मान्छे होइन
म देश प्रती साँचो माया गर्ने मान्छेहरु को खोजी गर्दै छु |
म ति अमर प्रेमीहरुको जोडी होइन
म ति अमर शहीद र भावी देशभक्ती जोडीहरुको खोजी गर्दै छु |
म माया प्रिती मा धोका दिने धोकेवाज होइन
म मेरो देश नेपाल लाई धोका दिने धोकेवाज को खोजी गर्दै छु |
म देशका ति रखौटेहरुले हिनाविना गरेको हिसाब-किताब होइन
म यतिबेला ति वीर शहीद ले बगाएका थोपा-थोपा रगत को हिसाब खोजी गर्दै छु |
म माया प्रिती का कथा-ब्यथाहरु होइन
म यती बेला प्रदेशमा बसेर स्वदेशको पिडा र ब्यथा लेख्दै छु |
जेष्ठ २० गते, २०७० मा प्रकाशित
