नेपाल फर्किए पछी आफ्नो परिवार सग अर्घाखाँची नरपानीमा सामुहिक तस्विरमा मीनकला अधिकारी ।
– उमाकान्त पाण्डे गाउले, दुबइ / शालीकराम आचार्य, ओमान
बैदेशिक रोजगारीका लागी खांडी मुलुक ओमान पुगेर बिचल्लीमा परेकी नेपाली महिला स्वदेश फर्किएकी छन ।
बिभिन्न बहानामा दुबइ हुँदै ओमान पुराइएकी अर्घाखाँची ७ नरपानीकी मीनाकला अधिकारी ५ महिनापछी थुनाबाट उम्कन सफल भई स्वदेश फर्कीएकी हुन ।
उनलाई ओमानमा रहेका संघसस्थाले उद्दार गरी नेपाल फर्काएका हुन ।
अलपत्र परे पछि अधिकारीले साउदी दुतावासका ओमान प्रतिनिधी तथा ओमान स्थीत नेपाली संघ संस्था एवम त्यहा कार्यरत प्रवासी नेपालीहरु संग उ्द्धारका लागी अपिल गरेकी थिईन ।
उनको अपिल बमोजिम ओमानका लागी साउदी दुतावासका प्रतिनिधी दिपक श्रेष्ठले ट्राभल डकुमेन्ट उपलब्ध गराएका थिए । साथै उनलाई ओमानका ६ वटा बिभिन्न नेपाली संघ संस्थाहरुले सम्युत्त रुपमा मिलेर हवाई टिकटको ब्यबस्था गरिदिएका थिए ।
यसरी सहयोग गर्ने सस्थाहरुमा नेपाली समाज ओमान,ओमान नेपाली एकता समाज, गैर आवाशीय नेपाली संघ ओमान,बूद्ध भिजन ओमान, नेपाली महीला समूह ओमान तथा सगरमाथा समूह ओमान रहेका छन ।
साथै त्यहाकार्यरत अन्य नेपालीहरुले उनको उदारकालागी सहयोग रकम समेत सकलन गरेका थिए ।
घरेलु कामदारका लागी सयुत्त अरब एमिरेट्स यूएईको दुबइ जाने भनेर दलाललाई ठुलो रकम बुझाएर यूएई पुगेकी उनलाई यूएईमा रहेको भनिएको रोशनी म्यानपावर मार्फत ओमानको सोहार नगरमा पठाइएको थियो ।
गत २ बर्ष अघी ओमन आएकी उनलाई तलब नदिने , र अनैतीक कार्यकालागी दैनिकजसो मानसिक तथा शारिरीक पिडा दिने गरेकाले आफु कार्यरत घर छोडेर भागेकी थिईन । यसरी अलपत्र परेकी आफ्नो छोरी फर्किन पाउलिन भन्नेबारे उनका परिवारका सदस्यको आशा मर्न लागेको थियो । तर छोरीको पर्खाइमा बसेका उनका परिवारले मीनालाई आफ्नै आँखा अगाडि देख्न पाउदा हर्षका आशु उनकी आमाका आँखामा देख्न सकिन्थ्यौ ।
आशा नै मारीसकिए पनि आफ्नी छोरीलाइ सकुसल घरमा पुराउन सहयोग गरिदिएकोमा उनकी ब्रिद आमाले ओमानमा रहेका सम्पूर्ण संघसस्था तथा त्यहा कार्यरत सम्पूर्ण नेपालीलाई धन्यवाद दिएकी छन ।
Copyright 2013 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
जेष्ठ २२ गते, २०७० मा प्रकाशित
