अमेरिका । अमेरिकाको क्यालिफोर्निया राज्यमा एक बन्दूकधारीले अन्धाधुन्ध गोली प्रहार गरी ६ जनाको हत्या गरेको छ । क्यालिफोर्नियाको लाँस एञ्जिलिसको पश्चिम सैटा मोनिकास्थित एक कलेजनिजक भएको उक्त हत्याकाण्डमा अरु केही घाइते भएका छन् ।
३४ हजार विद्यार्थी पढ्ने उक्त कलेज घटनाको समयमा भने बन्द रहेको बताइएको छ । थुप्रै बन्दूक बोकेका उक्त हत्याराले भीडभाड भएको स्थानको कार र एक बसमाथि गोली बर्साएको प्रत्यक्षदर्शीले बताएका छन् । दुई जनाको हत्या एक घरमा आगो लगाएर भएको पनि खबर छ ।
प्रहरी कारवाहीमा हत्यारा पनि मारिएका छन् । घटना राष्ट्रपति बाराक ओबामा संलग्न एक कार्यक्रमको पाँच किलोमिटर मात्र टाढा रहेको पनि बताइएको छ । हत्यारा र हत्याको नियतबारे प्रष्ट भैसकेको छैन ।
Agencies
जेष्ठ २५ गते, २०७० मा प्रकाशित
