जेष्ठ २८ गते, २०७० मा प्रकाशितकाठमाडौं । टर्कीको इस्तानबुलस्थित तक्सिम स्वायरमा विगत दुई हप्ता देखी डेरा जमाएर बसेका सरकार विरोधी प्रदर्शनकारी हटाउन दंगा प्रहरी परिचालन गरिएको छ । प्रधानमन्त्री रिसेप ताप्पिय एर्डोगनले प्रदर्शनकारीसंग बुधबार वार्तामा बस्न सहमति जनाए लगत्तै दंगा प्रहरी परिचालन गरिएको बताइएको छ ।
दंगा प्रहरीले प्रदर्शनकारी माथि अश्रु ग्यास र रबरका गोली प्रहार गरेको छ भने केही प्रदर्शनकारीले प्रहरीमाथि पेट्रोल बम र ढुंगा प्रहार गरेका छन् । गेजी पार्क पूननिर्माण गर्ने सरकारी योजनाको विरोधबाट शुरु भएको प्रदर्शन सरकार विरोधी प्रदर्शनमा परिणत भएपछि अहिले टर्की अशान्त छ ।
अन्य समाचारहरु
