महोत्तरी । लगातारको वर्षाले महोत्तरीको जलेश्वर नगरपालिकाको नयाँ बस्तीहरु डुबानमा परेका छन् ।
जलेश्वर नगरपालिकाको वडा नम्बर ४ मा रहेको सिनेमा हल, अस्पताल टोल, वडा नम्बर ५ मा रहेको टाउन प्लानिङ्ग टोल र वडा नम्बर ६ को नयाँवासी टोलका घरहरु डुवानमा परेका हुन् ।
बाढीले सदरमुकाम जलेश्वर जोड्ने सारी, सुगा तथा पिगौना सडक जलमग्न भएको छ । अवैध तरिकाले जथाभावी प्लटिङ गरी बस्ती बसाउँदा नयाँ बस्तीहरु डुवानमा परेको नगरपालिकाले जनाएको छ ।
RSS
आषाढ़ १७ गते, २०७० मा प्रकाशित
