इजिप्टमा प्रदर्शनकारीले राजीनामा दिन दिएको ४८ घण्टा अल्टिमेटम राष्ट्रपति मुर्सीद्धारा खारेज

देशको नाममा सम्बोधन गर्दै सेना प्रमुख जनरल आब्देल फत्ताह अल सीसीले जनताको आवाज सुन्न र तिनका माग पूरा गर्न नेताहरुसँग आग्रह गर्नुभएको छ । राष्ट्रपति मुर्सीसँग अब जनताले माग गरेबमोजिम राष्ट्रपति चुनाव गराउनुको विकल्प नभएको एक जना पूर्व सैनिक जनरलले पनि भनेका छन् ।

सेनाले दिएको यो चेतावनीलाई सैनिक कू का रुपमा हेर्न नमिल्ने पनि बताइएको छ । विपक्षीहरुको तामारुद समुहले भने मुर्सीविरुद्ध २ करोड २० लाख हस्ताक्षर संकलन गरेका दावी गरेको छ । प्रदर्शनकारीहरुले राजधानी कायरोस्थित सत्तारुढ मुश्लिम ब्रदरहुडको मुख्यालयमै धावा बोलेका छन् । इजिप्टमा सरकार विरोधी प्रदर्शनका क्रममा हिंसा भड्किंदा कम्तिमा आठ जना मारिएको खबर छ ।