पोखराबाट मुंग्लिङतर्फ आउँदै गरेको यात्रुबाहक बस तनहुँको मादी नदीमा खस्दा १२ जनाको मृत्यु भएको छ ।
ना ४ ख ४६८४ नम्बरको यात्रुबाहक बस दमौलीस्थित मादी नदीमा दुर्घटनामा एक बच्चासहित १२ जनाको मृत्यु भएको प्रहरीले जनाएको छ । प्रहरीले १० जनाको उद्दार गरेको प्रहरी उपरीक्षक देवबहादुर बोहोराले जानकारी दिए ।
बसमा ३५-४० जनासम्म यात्रुहरु रहेको अनुमान गरिएको छ । दुई भंगालोको बीचमा बस खसेकाले उद्दारमा कठीनाई भएको छ । सेना, प्रहरी र स्थानीय उद्दारमा खटिएका छन् । बस पूरै डुबेको छ ।
आषाढ़ २२ गते, २०७० मा प्रकाशित
