– अर्जुन भुसाल
सन्धिखर्क, अर्घाखाँची । अर्घाखाँची जिल्लामा रहेका एचआईभी सक्रमितहरुले आफुहरुले खाने एआभी औषधी जिल्लामै उपलव्ध गराउन माग गरेका छन् । एचआईभी संक्रमितले खाने एआरभी औषधि जिल्लामै उपलब्ध हुन नसक्दा जिल्लाका एचआईभी संक्रमितलाई सास्ती व्यहोर्नु परेको छ ।
जिल्लामा एचआईभी संक्रमित दिनानुदिन बढदै जाने क्रम रहेको छ । अहिले सम्म १०६ जना संक्रमितको संख्या रहेको पाईएको छ । जसमा महिला ५० जना र पुरुष ४८ जना बच्चाको संख्या ८ जना रहेको छ । जस मध्य ३२ जना पुरुष र २० महिला गरि ५२ जनाले एआरभी औषधि लिरहेका छन् ।
२५ जना पुगेपछि एआभी सेन्टर खोल्ने नितिगत व्यवस्था रहेपनि ५२ जनाले एआरभी लिदा समेत एआरभी सेन्टर स्थापना नभएपछि सक्रमितहरु चिन्तित वनेका हुन । जिल्लामा उक्त सेन्टर स्थापना गर्नकालागि जिल्ला विकास समितिले १ लाख रुपौया विनियोजन गरेको छ । सरकारले सेन्टर खोल्नका लागि अनुमति दिए जतिवेला पनि खोल्न सकिने एचआइभीको क्षेत्रमा काम गर्दै आएको संस्था सक्रिय सेवा समाजका कार्यक्रम संयोजक वालकृष्ण खत्रीले बताए ।
श्रावण १ गते, २०७० मा प्रकाशित
