पर्वत पोर्तेल
काँकडभिट्टा – झापाको मेचीनगर १३ कि एक दलित बालिका छिमेकीको बलात्कारबाट गर्भवती भएकी छन् ।
मेचीनगर १३ घैलाडुब्बाका ३० वर्षीय दिलिप विष्टले १३ वर्षीया बालिकालाई तीन महिना अघि नजिकैको चिया बगानमा लगेर बलात्कार गरेका थिए । उनी अहिले तीन महिनाको गर्भवती भएकी छन् ।
विष्ट दुई बच्चाका बाबु हुन् । बालिकाको पेट बढ्दै गएपछि अभिभावकले सोधपुछ गर्दा बलात्कारको रहस्य खुलेको हो । बालिकाका अनुसार घटनाबारे कसैलाई भनिदिए मार्ने धम्की दिएका थिए । उनले भनिन्,’घटना भनिस् भने तपाई पनि मार्छु, तेरो साखा सन्तानलाई पनि छाड्दिन भनेर धम्क्याएको थियो ।’
पीडित परिवारले दोषीलाई कारबाहीको माग गर्दै इलाका प्रहरी कार्यालय काँकडभिट्टामा उजुरी दिएका छन् ।
प्रहरीले बलात्कारमा संलग्न विष्टलाई पक्राउ गरेको छ । इलाका प्रहरी कार्यालयका प्रमुख डीएसपी नलप्रसाद उपाध्यायले दोषीलाई कुनै हालतमा उम्कन नदिने दावी गरेका छन् ।
श्रावण ४ गते, २०७० मा प्रकाशित
