ढाकावाङमा प्रसाद खादा २२ जना बेहोस

ढाकावाङ, अर्घाखाँची   । सामुहिक खीर र तरकारी खादा पौडेल परिवारका २२ जना बेहोस भएका छन । पौडेल परिवारको भान्जा पुण्य पर्वको पुजा गरेपछि प्रसाद खाए लगत्तै बेहोस भएका हुन । ढाकावाङ गाविस वाड नं ५ को तल्लो गाउँमा रहेको सात घर पौडेल परिवारले शनिवार भान्जा पुण्य पुजा गरेका थिए । 

सात घरका २२ जनाले पुजा सकिएपछि एकैपटक विहान ११ बजेतिर प्रसाद खाएका थिए । उल्टी गर्ने र छटपटाउने गरेपछि बेहोस भएर ढल्न पुगेका थिए भैसीको दुधमा पकाएको खीर र बारीमा फलेको फर्सीका मुन्टा, बडी र कर्कलोको टुसा र मुन्टाको तरकारी खाएको छिमेकी नारायण खनालले बताए । प्रसाद पौडेल परिवारले मात्रै खाएका थिए । 

एकैपटक सबै बेहोस भएपछि ढाकावाङ स्वास्थ्य चौकीका ईन्चार्ज भेषराज बंञ्जाडे र अनमि मञ्जु खनालले  उपचार गरिरहेका छन  । विषक्त खाना र  तरकारीमा असर गर्ने फुट पोईजन भएकाले समस्या आएका ढाकावाङ स्वास्थ्य चौकी ईन्चार्ज भेषराज बञ्जाडेले बताए । 

 

वेहोस मध्य विमला पौडेल, दिपक पौडेल, वर्षा चुदाली, विवेक चुदालीको अवस्था गम्भीर रहेको वन्जाडेले बताए  ।