बिपि स्मृतिको अवसरमा खाँचीकोट गाविसमा बृक्षारोपण र अन्तरकृया कार्यक्रम

 

खाँचीकोट, अर्घाखाँची ।  नेपाली काङ्ग्रेसका संस्थापक तथा नेपालका पहिलो जननिर्वाचित प्रधानमन्त्री बीपी कोइरालाको ३१ औं स्मृति दिवस विभिन्न कार्यक्रम गरी मनाइँएको छ । दिवसका अवसरमा नेपाली काग्रेस अर्घाखाँचीले पनि खाँचीकोट गाविसमा बृक्षारोपण र अन्तरकृया कार्यक्रम गरेर बिपि स्मृति दिबस मनाएको छ ।

कार्यक्रममा प्रमुख अतिथी नेपाली काग्रेसका जिल्ला सभापति कमल प्रसाद भुसालले बिपीको मार्गलाइ टेकेर अगाडी बढे मात्र देसले निकास पाउने बताउनु भयो । उहाले अहिलेको प्रमुख कार्य भनेको संबिधान सभाको निर्बाचन मार्फत देसमा संबिधान निर्माण गर्नु पर्ने भउकाले यस कार्यमा अगाडी बढ्नु पर्ने बताउनु भयो । 

 

कार्यक्रममा नेपाली काग्रेसका जिल्ला सचिब लोकेन्द्र विकले सबै जनता एक जुट भएर देसलाइ निकास दिनु पर्ने बताउदै नेपाली काग्रेसको जीत बिना संबिधान बन्न नसक्ने बताउनु भयो ।

कार्यक्रम खाँचीकोट काग्रेसका सभापति बिष्णुप्रसाद भुसालको सधापतित्वमा सम्पन्न भएको हो ।

 

यस्तै नेपाली काग्रेस सन्धिखर्क गाँउ कार्य समितिले पनि पटुवाथुममा बृक्षारोपण र आन्तरक्रिया कार्यक्रम सम्पन्न गरेको सन्धिखर्कका सभापति नेत्रप्रसाद भटराइले बताउनु भयो । यसै गरि नेपाली काग्रेस गाँउ कार्य समितिहरुको आयोजनामा अर्घा, किमडाडा , वांगला, डिर्भना लगायतका ४२ वटै गाविसमा कार्यक्रम भएका छन ।

नेपाली काङ्ग्रेसका संस्थापक नेता विश्वेश्वरप्रसाद कोइरालाको जन्म वि.सं. १९७१ साल भदौ २४ गते भारतको वनारसमा भएको थियो । उहाँ नेपाली राजनीतिमा बीपी कोइराला र नेपाली साहित्यमा विश्वेश्वरप्रसाद कोइरालाको नामबाट परिचित हुनुहुन्थ्यो । जीवनभर प्रजातन्त्रका लागि लड्नुभएका कोइराला शालीन, सुझबुझ र गम्भीर चिन्तन, अदम्य साहसी नेता हुनुहुन्थ्यो ।

 

क्यान्सर रोगबाट थला पर्नुभएका कोइरालाको २०३९ साल साउन ६ गते निधन भएको थियो । भारतीय स्वतन्त्रता आन्दोलनमा समेत सहभागी कोइराला भारतीय नेताहरूसँगै जेल पर्नुभएको थियो । कोइरालाको नेतृत्वमा जहानियाँ राणाशासन हटाउन २००३ सालमा नेपाली राष्ट्रिय काङ्ग्रेसको स्थापना भएको थियो । बीपी कोइरालाले २००७ सालमा १०४ वर्षे राणाशासनको विरुद्धमा भएको जनक्रान्तिको नेतृत्व गर्नुभएको थियो ।

नेपालको प्रजातान्त्रिक समाजवादी आन्दोलनका प्रतीक मानिने बीपी तत्कालीन नेपालमा अन्तर्राष्ट्रिय पहिचान बनाउन सफल राजनीतिक व्यक्तित्वका रूपमा समेत चिनिनुहुन्थ्यो । राष्ट्रियता, प्रजातन्त्र र समाजवादको सिद्धान्त प्रतिपादन गर्नुभएको कोइराला २०१५ सालमा भएको पहिलो संसदीय चुनावपछि पहिलो जननिर्वाचित प्रधानमन्त्री बन्न सफल हुनुभएको थियो । तत्कालीन राजा महेन्द्र शाहले प्रधानमन्त्रीबाट बर्खास्त गरी कोइारालालाई जेल राखेका थिए ।

 

उहाँ २०२५ सालसम्म आठ वर्ष निरन्तर जेलमै रहनुभयो । त्यसपछि भारत प्रवासमा रहनुभएका कोइराला २०३३ सालमा राष्ट्रिय मेलमिलापको नीति लिएर स्वदेश फर्कनुभएको थियो । उच्च राजनीतिक छवि हुँदाहुँदै पनि उहाँले नेपाली साहित्यमा पु-याउनुभएको योगदानलाई अतुलनीय मानिन्छ । कोइरालाको सुम्निमा, मोदी आइन्, बाबु, आमा र छोरा, नरेन्द्र दाई,तीन घुम्ती तथा हिटलर जस्ता चर्चित उपन्यासहरू नेपाली साहित्यमा चर्चित छन् ।