श्रावण ११ गते, २०७० मा प्रकाशित
काठमाडौं । गत असार १ गते काठमाडौंको महाराजगञ्ज चुनदेवीस्थित डेराको वाथरुमा मृत अवस्थामा फेला परेकी भूमिका कोचर जाटियाको मृत्युलाई नेपाल प्रहरीले आत्महत्या भनेको छ । भूमिकाको हत्या गरिएको आशंकामा उनका बाबुले भूमिकाका पति लगायतविरुद्ध जाहेरी दिएपछि प्रहरीले दोहो-याएर अनुसन्धान गरेको हो ।
महाशाखा र परिसरका प्रमुखहरुले पोष्टमार्टम रिपोर्टबाट भूमिकाले पासो लगाई आत्महत्या गरेको देखाएको र भिसेरा जाँचबाट पनि कुनै पनि विष प्रयोग गरेको नदेखिएको बताए । यद्यपी भिसेरा टेष्टका लागि मुलुकबाहिर पठाइने पनि प्रहरीले जनाएको छ ।
प्रहरीले पारिवारिक तनावका कारण भूमिकाले आत्महत्या गरेको हुनसक्ने आशंका समेत गरेको छ । अमेरिकामा अध्ययनका लागि गएका भारतीय नागरिक आकाश जाटियासँग प्रेम सम्बन्ध भएपछि उनीहरुले नेपाल आई विवाह गरेको प्रहरीले जनाएको छ ।
तर, विवाह भएको केही समयपछि नै उनीहरुको सम्बन्ध बिग्रिएको र भूमिकाले आत्महत्या गरेको हुनसक्ने प्रहरीले बताएको छ । भूमिकाका श्रीमान आकाश जाटिया नेपालको जगदम्बा स्टिल्समा कार्यरत छन् ।
अन्य समाचारहरु
