समाजसेबी, शिक्षा प्रेमी, बिकासबादी नेता पाण्डेको प्रथम स्मृतिमा ठुलापोखरामा शोकसभा

 

ठुलापोखरा,  अर्घाखाँची । रहस्यमय मोटर साइकल दुर्घटनामा परि मृत्यु भएका नेपाली काग्रेसका नेता, समाजसेबी, शिक्षा प्रेमी, बिकासबादी नेता स्व. चन्द्रमणि पाण्डेको प्रथम बार्षिकीको अबसरमा नेपाली काग्रेस अर्घाखाँचीले आज  ठ्लापोखरा स्थित पाण्डेको घरमा श्रद्धाञ्जली सभा सम्पन्न गरेको छ  ।

गोरुसिंगेबाट सन्धिखर्क आउदै गर्दा कपिलबस्तुको बिरपुरमा भएको रहस्यमय मोटर साइकल दुर्घटनामा घाइते भए पछि उपचारको क्रममा पाण्डेको काठमाण्डौमा निधन भएको थियो ।

 

समाजसेबी, शिक्षा प्रेमी, बिकासबादी ब्यक्तित्व स्वर्गिय चन्द्रमणि पाण्डे नेपाली काग्रेसका क्षेत्र नम्बर १ का सभापति, प्याबसन अर्घाखाँचीका जिल्ला अध्यक्ष, गैरसरकारी सस्था महासंघ अर्घाखाँचीका जिल्ला सचिब , लायन्स कल्बका जिल्ला अध्यक्ष जिल्ला अस्पताल अर्घाखाँचीका निबर्तमान अध्यक्ष लगायत एक दर्जन भन्दा बढि संघ सस्थामा आबद्ध रहनु भएको थियो । 

 

स्वर्गिय पाण्डेको फोटामा माल्यार्पण, पछि भएको श्रद्धाञ्जली सभामा मन्तब्य राख्दै नेपाली काग्रेसका जिल्ला सभापति कमल प्रसाद भुसालले स्वर्गिय चन्द्रमणि पाण्डेको निधनले नेपाली काग्रेसलाइ अतुलनीय क्षती पुगेको बताउनु भयो । अर्घाखाँचीमा राजनिति, शिक्षा,र  समग्र बिकासको क्षेत्रमा गरेको योगदानको चर्चा गर्दै स्वर्गिय पाण्डेले देखाएको बाटोमा हामी सबै लाग्नु पर्ने काग्रेस सभापति भुसालले बताउनु भयो । 

 

 श्रद्धाञ्जली सभा नेपाली काग्रेसका जिल्ला सदस्य कृष्णप्रसाद खनालको  सञ्चालनमा सम्पन्न भएको हो ।