नेपाल विद्युत प्राधिकरण अर्घाखाँचीद्धारा उत्कृष्ट काम गर्ने लेखा प्रमूखलाई पुरस्कृत

सन्धिखर्क, अर्घाखाँची । नेपाल विद्युत प्राधिकरण अर्घाखाँचीले उत्कृष्ट काम गर्ने कार्यालयका लेखा प्रमुख विनोद के.सी.लाई पुरस्कृत गरेको छ।

 प्राधिकरणले आफ्नो वार्षिकोत्सवको अवसर पारी आर्थिक वर्ष २०६९ – २०७० मा उत्कृष्ट काम गरेको भन्दै के.सी. लाई नगद रु. तीन हजार र प्रमाण पत्र प्रदान गरेको हो । 

यसै विच प्राधिकरणले वार्षिकोत्सवको अवसरमा आयोजित भलिबल, क्यारमबोर्ड, कुर्सी दौड , व्यालुन फुटाउने लगायतका खेलकुद प्रतियोगिताका विजयी खेलाडीहरुलाई नगद, प्रमाणपत्र र रेफ्री प्रदान गरेको छ।

खेलाडीहरुलाई प्राधिकरणको प्रांगणमा शनिवार आयोजित विशेष समारोहका विच कार्यालय प्रमुख हरि प्रसाद पाण्डेले पुरस्कृत गर्नुभएको थियो । नगद पुरस्कार रकम प्रमुख  पाण्डेले व्यक्तिगत रुपमा प्रदान गर्नु भएको हो ।

 कार्यक्रममा मन्तब्य राख्दै पाण्डेले जनतालाई प्रदान गर्ने सेवा लाई थप प्रभावकारी वनाई जन विश्वास जित्न कर्मचारीहरुलाई आग्रह गर्नु भयो । प्राधिकरणका कर्मचारीको मूल्यांकन जनतालाई प्रदान गर्ने सेवामा आधारित हुने उहांको भनाई थियो ।

 कार्यक्रममा पत्रकार महासंघ अर्घाखाँचीका अध्यक्ष शोभाखर पन्थी, पत्रकार सूर्य प्रसाद भुसाल, कार्यालयका आय प्रमुख छवीलाल पन्थीले लगायतले मन्तव्य राख्नु भएको थियो ।