अर्घाखाँचीमा सेनाले अवरुद्ध सडक खोल्यो, स्थानीयलाई राहत

 

म्यालपोखरी, अर्घाखाँची ।  अवरुद्ध रहेको सडक नेपाली सेनाले खुलाएको छ । चन्दनाथ गण अर्घाखाँचीको टोलीले सन्धिखर्क तम्घास सडक अन्तगर्त पाणीनी चोक देखी म्यालपोखरी सम्म अवरुद्ध रहेको सडक खुलाएको हो ।

सडक ममर्त भएपछि सवारी साधन निर्धक्कका साथ सुचारु भएको छ । सवारी साधन नचल्दा स्थानीय बासिन्दाले सास्ती खेप्नु परेको थियो । आफुहरुको सानो प्रयासले जनतालाई ठुलो राहत हुने भएकाले सडक मर्मत गरिएको चन्दनाथ गणका गणपति रामकाजि राना मगरले बताए ।

सडक जिर्ण हुँदा जवरजस्ती सवारी साधन चलाउदा पटक पटक दुर्घटना समेत हुदै आएको थियो । गणका करिव १ सय जना सिपाईले सडक मर्मत गरेको क्यापटेन नुम बहादुरी जि सीले बताए ।

जनतालाई सहुलियत हुने सामाजिक कार्य गर्न सेना तयार रहेको भन्दै सामाजिक कार्य गर्नु परे आफुलाई सम्र्पक गर्न पनि गणपति मगरले सरोकारवालालाई आग्रह गर्नुभयो ।

चन्दनाथ गणले जिल्लामा सडक निर्माण, मन्दिर निर्माण, सरसफाई लगाएताका काम गदै आएको छ ।