अखिल नेपाल महिला संघ अर्घाखाँचीद्धारा अ्ध्यक्ष रेग्मीलाई ज्ञापनपत्र

सन्धिखर्क, अर्घाखाँची।  दोश्रो संविधानसभाको निर्वाचनमा ३३ प्रतिशत महिला उम्मेदवारी सुनिश्चितता लगायतका ४ बुँदे माग राख्दै अखिल नेपाल महिला संघ अर्घाखाँचीले चुनावी मन्त्रिपरिषदका अध्यक्ष खिलराज रेग्मीलाई ज्ञापन पत्र पठाएका छन् । 

अघिल्लो निर्वाचनमा पनि ३३ प्रतिशत महिला उम्मेदवार नभएकाले आगामी निर्वाचनबाट महिलाको सहभागिता पूर्ण हुनुपर्ने भन्दै प्रमूख जिल्ला अधिकारी मार्फत चुनावी मन्त्रीपरिषद्का अध्यक्ष रेग्मीलाई महिला संघले ज्ञापनपत्र बुझाएको हो । 

संघकी अध्यक्ष विष्णु आचार्यद्धारा हस्ताक्षरित ज्ञापनपत्रमा सामानुपातिक सुचीमा महिलाको नाम पहिलो नम्बरमा सिफारिस गरिनुपर्ने, मनोनितको संख्यामा ५० प्रतिशत महिला सहभागिता हुनुपर्ने र संविधानसभामा पनि ३३ प्रतिशत महिला सहभागि गराउनु पर्ने बुँदाहरु उल्लेख गरिएको छ ।