काठमाडौं । नेकपा एमालेले पार्टी अध्यक्ष झलनाथ खनालको नेतृत्वमा निर्वाचन परिचालन टोली बनाएको छ । आज बसेको केन्द्रीय कमिटी बैठकले खनालको नेतृत्वमा निर्वाचन परिचालन टोली बनाएको हो । टोलीमा पाँच वटै क्षेत्रका पार्टी ईञ्चार्जहरु सदस्य रहेका छन् ।
जसमा उपाध्यक्षद्वय बामदेव गौतम, विद्या भण्डारी र सचिवद्वय युवराज ज्ञवाली र शंकर पोखरेल रहेका छन् ।
त्यस्तै एमालेले घोषणा पत्र बनाउने जिम्मेवारी भने स्थायी कमिटीलाई दिएको छ ।
त्यस्तै युवा संघभित्रको विवाद समाधानका लागि शेरबहादुर तामाङ, महेश बस्नेत र झपट रावल रहेको कमिटी बनाएको छ ।
आगामी असोज ३ देखि ५ गते सम्म गर्ने तय भएको अनेरास्ववियुको सम्मेलन सम्बन्धमा निर्णय गर्न पार्टी सचिव युवराज ज्ञवालीको संयोजकत्वमा कमिटी बनाइएको छ ।
RSS
भाद्र १८ गते, २०७० मा प्रकाशित
