काठमाडौ – राजधानी दैनिकका प्रकाशक महेन्द्र शेरचन शुक्रबार नेकपा(एमाले)मा प्रवेश गरेका छन् । पार्टी मुख्यालयामा आयोजित राष्ट्रिय प्रचार भेलामा शेरचनले एमाले प्रवेशको घोषणा गरे ।
उनलाई पार्टी अध्यक्ष झलनाथ खनाल, वरिष्ठ नेता माधवकुमार नेपाल र नेता केपी ओलीले स्वागत गरे ।
शेरचनले आफू अहिलेसम्म कुनै पार्टीको सदस्य नरहेको र एमालेको विचार सिद्धान्त मन परेर यो पार्टी रोजेको बताए ।
‘मेरो १३ वर्षको मिडिया अनुभवले विचार र सिद्धान्तका हिसाबले एमाले नै उपयुक्त लाग्यो,’ उनले भने ‘मिडिया सँग सँगै अब सक्रिय राजनीतिमा पनि आउँछु ।’
EKANTIPUR
आश्विन ४ गते, २०७० मा प्रकाशित
