जिल्ला स्तरिय ब्याडमिन्टन प्रतियोगीता सन्धिखर्कमा शुरु (तस्बिर सहित)

 

सन्धिखर्क, अर्घाखाँची । युबाहरुको एकता समाज सुधारमा अग्रसरता भन्ने मुल नाराका साथ अर्घाखाँचीको सन्धिखर्कमा जिल्ला स्तरिय खुल्ला ब्याडमिन्टन प्रतियोगीता आज देखि सुरु भएको छ ।

अर्घाखाँची युबापरिसद चुत्राबेसीको आयोजनामा बिजया दसमी २०७० को अबसर पारि आज देखि  १० गते सम्म सन्धिखर्कमा रहेको सामुदायिक ब्ब्याडमिन्टन कभर्डहलमा प्रतियोगीता  शुरु भएको परिसदका अध्यक्ष कृष्णप्रसाद भुसालले बताउनु भयो ।

जिल्ला भरका २८ समुह र ५६ खेलाडीले भाग लिएको प्रतियोगीताको प्रमुख जिल्ला अधिकारी सागरमणि पाठकले आज बिहान उद्घाटन गर्नु भएको छ । 

 

कार्यक्रममा मन्तब्य राख्दै प्रजिअ पाठकले खेलकुदको बिकास संगै समग्र   अनुशासन र सभ्यताको पनि बिकास हुने  बताउदै प्रतियोगीता सफलताको शुभकामना ब्यक्त गर्नु भयो  ।

प्रतियोगीताको उद्घाटन समारोहमा  चन्दननाथ गणका गणपति रामकाजी राना मगर, प्रहरि नायब उपरिक्षक शिरा बहादुर पाण्डे, सहायक प्रमुख जिल्ला अधिकारी भेसराज खनाल, सामुदायीक प्रहरी सेबा केन्द्रका अध्यक्ष रामबहादुर चौहान, लगायतले मन्तब्य राख्नु भएको थियो ।

कार्यक्रम युबा परिसदका अध्यक्ष कृष्णप्रसाद भुसालको अध्यक्षता, ज्ञानेन्द्र घिमिरेको स्वागत मन्तब्य र शेषकान्त घिमिरेको सञ्चालनमा सम्पन्न भएको हो ।