आगामी मंसिर ४ गतेका लागि तोकिएको संविधानसभा चुनावका लागि उम्मेदवारी दिने दिन नजिकिँदै गर्दा दलहरु उम्मेद्वार छान्न व्यस्त

लामो खिंचातानीपछि संसदीय समिति बनाएको नेपाली कांग्रेस हिजोदेखि उम्मेदवार छान्न घनिभूत छलफलमा जुटेको छ । आजसम्ममा कांग्रेसले हिमाली जिल्लाका उम्मेद्वारको टुङगो लगाउने बताएको छ ।

आगामी आइतबारभित्र प्रत्यक्ष र समानुपातिकतर्फका सबै उम्मेदवार छनोट गरिसक्ने तयारी भएको कांग्रेस संसदीय बोर्डमा रहेका नेताहरुले बताएका छन् ।

यसका लागि आज पनि विहानैदेखि संसदीय समितिको बैठक बसिरहेको छ । बैठक अवधिभर कार्यालय परिसरमा बोर्ड सदस्य, सुरक्षाकर्मी र कार्यालयका कर्मचारीबाहेक अन्यलाई प्रवेशमा रोक लगाइएको छ ।