रामेछाप । रामेछापको रामेछाप गाउँ विकास समिति वडा नम्बर ३ स्थित आइतबारे पाखामा शनिबार यात्रुवाहक बस दुर्घटना हुँदा चार जनाको मृत्यु भएको छ ।
सदरमुकाम मन्थलीबाट देउरालीतर्फ जाँदै गरेको बस दुर्घटना हुँदा चार जनाको मृत्यु भएको हो । मृत्यु हुनेमध्ये गोठगाउँ गाविस वडा नम्बर १ का गोमा भण्डारीको मात्र सनाखत भएको छ ।
मृत्यु हुने अन्यमा एक महिला र दुई पुरुष रहेको प्रहरीले जनाएको छ । दुर्घटनामा २२ जना घाईते भएका छन् । घाईतेमध्ये गम्भीर अवस्थाका सात जनालाई थप उपचारका लागि काठमाडौं ल्याइदै छ ।
अन्य घाइतेहरुको स्थानीय स्वास्थ्य केन्द्रमा उपचार भैरहेको प्रहरीले जनाएको छ । सडकबाट बस दुइ सय मिटर तल खोचमा खसेको थियो । RSS
आश्विन २० गते, २०७० मा प्रकाशित
