अर्घा, अर्घाखाँची । दशैँ पूर्णिमाको अवसर पारी अर्घाखाँचीको अर्घा, रानीगैरामा कार्तिक १ गते का दिन आयोजना गरिने राष्ट्रिय जनमोर्चाको आमसभा एवम सांस्कृतिक कार्यक्रममा प्रमुख अतिथिको राजमो अध्यक्ष चित्रबहादुर के.सी. आउने भएका छन।
उक्त सभालाई राजमोका महासचिव तथा अर्घाखाँची क्षेत्र नम्बर १ का उम्मेदवार सन्तबहादुर नेपाली, क्षेत्र नम्बर २ का उम्मेदवार शेरबहादुर बी.सी., राजमोका केन्द्रीय सदस्य सागर के.सी. लगायतका नेताहरूले पनि सम्बोधन गर्ने भएका छन।
सभामा रक्तिमका केन्द्रीय कलाकारहरूले पनि आफ्ना प्रस्तुतिहरू दिनेछ ।
पञ्चायती कालरात्रीको वेलादेखि नै हरेक वर्ष दशैँ पूर्णिमाका दिन अर्घाखाँचीको रानीगैरामा मसालले विशाल सभा गर्दै आइरहेको छ ।
त्यहाँ हुने सभामा दशौँ हजार जनताको सहभागिता रहने गर्छ । अहिले संविधान सभाको दोस्रो निर्वाचन नजिक आइरहेका वेला हुने उक्त सभाले झनै अर्थ र महत्व राख्नेछ ।
यसैगरी उता एमाओबादीले पनि सभा गर्ने भएको छ। उक्त कार्यक्रममा एमाओबादी अर्घाखाँची क्षेत्र नम्बर १ का उम्मेदवार टोप बहादुर रायमाझी र खासै चर्चामा आउन छोडेका डिलाराम आचार्य लगायतले सम्बोधन गर्ने छन।
Copyright 2013 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
आश्विन २५ गते, २०७० मा प्रकाशित
