चुनाव प्रचार प्रसारको लागि रुकुमको सिम्ली र गरायला लैजादै गरेको नेपाली कांग्रेस रुकुमको प्रचार सामग्री एकीकृत नेकपा माओवादीका कार्यकर्ताले लुटेका छन् ।
रुकुम क्षेत्र नं २ का प्रत्यक्ष तर्फका उम्मेदवार गोपालजी जंग शाह नेतृत्वको टोलीले छिवाङ गाविसमा स्थानीय कार्यकर्तालाई छोडेको दुई सय थान टिसर्ट, १० थान माइक र घोषणापत्रलगायतका प्रचार सामग्री गरायलातर्फ लैजाँदै गर्दा लुटिएको कांग्रेस रुकुमले जनाएको छ ।
एकीकृत माओवादीले हतियारको आशंकामा खानतलासी गरेको र खानतलासी गर्दा प्रचार सामाग्री मात्र भेटिएकाले ती सामान फिर्ता गर्ने कार्यकर्तालाई निर्देशन दिईसकेको बताएको छ ।
आश्विन ३१ गते, २०७० मा प्रकाशित
