रायमाझीको गाडीमा आगजनी – जिम्मा कसैले लिएनन्

एमाओवादी क्षेत्र न.१ का उम्मेदवार टोपबहादुर रायमाझीले चुनावी प्रचारमा प्रयोग गरेको जीप सदरमुकाममै  आज राती आगजनी भएको छ ।

देउराली यातायातद्धारा सञ्चालित लु १ ज २३६० नम्बरको सवारी जीप चुत्रावेशीको पेटञोल पम्पलाइनको रोडमा राखेको गाडी राती साढे १२ बजे अज्ञात समुहले आगजनी गरेको हो । 

जीपको भित्री भाग पुरै जलेको छ । प्रमुख जिल्ला अधिकारी सागरमणी पाठकले आगजनी भएको खबर थाहा पाएपछि तत्काल प्रहरीले आगो निभएको बताए । उनले आगजनी कसले गरेको भन्ने बारेमा अनुसन्धान भैरहेको बताए । 

आगजनीको कसैले जिम्मा नलिएतापनि चुनावी विरोधी नेकपा माओवादीले जलाएको धेरैले आशका गरेका छन । 

एमाओवादी केन्द्रिय सदस्य चन्द्रबहादुर खडकाले जीपमा आगजनी नेकपा माओवादीलेनै गरेको बताए । नेकपा माओवादीका जिल्ला सेक्रेटरी बाबुराम घिमिरेले आफनो पाटीले जीपमा आगजनी नगरेको बताए ।