भारतले मंगलबार मंगल ग्रहतर्फ अन्तरिक्ष यान प्रक्षेपण गरेको छ। यो मिसनले अन्तरिक्ष यात्राको दिशामा भारतको प्रविधि र प्रगति प्रदर्शन गर्ने बताइएको छ।
भारतको पूर्वीतटीय सहर श्रीहरिकोटाबाट मंगलतर्फ उडेको अन्तरिक्षयानको प्रक्षेपण सयौं मानिसले प्रत्यक्ष हेरेका थिए भने टिभीबाट यो यात्रा लाखौंले भारतभरि तथा बाहिरबाट समेत हेरेका थिए।
भारतीय सञ्चारमाध्यमहरुका अनुसार यो मिसन सफल भएमा भारत मंगल ग्रहमा यान पुर्याउने चौथो देश हुनेछ। यसअघि रुस, अमेरिका र युरोपले मंगल ग्रहमा यान पुर्याएका थिए।
कार्तिक २० गते, २०७० मा प्रकाशित
