नेपाली कांग्रेसका नेता तथा नुवाकोट क्षेत्र नम्बर १ का उम्मेदवार अर्जुननरसिंह केसीको निर्वाचन घरदैलोमा रहेको गाडीमाथि पेट्रोल बम प्रहार भएको छ । नुवाकोटको ३५ किलो भन्नेस्थानको जुरेथुममा घरदैलो गर्दै गरेको समयमा केसीको चुनाव प्रचारमा प्रयोग भएको कार्यकर्ता चढेको गाडीमा बम प्रहार भएको हो ।
काठमाडौंबाट नुवाकोटको विदुरमा हुने सभामा भाग लिन जाने क्रममा बाटोमा पर्ने आफ्नो निर्वाचन क्षेत्रमा घरदैलो गर्दैगर्दा पेट्रोल बम प्रहार भएको नेता केसीले जानकारी दिए ।
बम प्रहारबाट मानिसलाई केही नभएपनि गाडीमा भने सामान्य क्षति पुगेको छ । बम कसले प्रहार गरेको भन्ने खुल्न सकेको छैन । -RSS
Copyright 2013 Arghakhanchi.Com. All rights reserved. This material may not be published, broadcast, rewritten or redistributed.
अर्घाखाँचीडट्कमलाई सहयोग गर्न तल देखिने विज्ञापनहरुमा बारम्बार क्लिक गर्नुस्।
कार्तिक २६ गते, २०७० मा प्रकाशित
