काभ्रे/बारा – अपरिचित समूहले बिहीबार काभ्रे र बारामा सवारी साधनमा पेट्रोल बम प्रहार गरेाके छ ।
काभ्रेको कोशीपारि क्षेत्रमा पर्ने गोठपानीमा यात्रुबाहक बसमा पेट्रोल बम प्रहार गरेको जिल्ला प्रहरी कार्यालय काभ्रेले जनाएको छ । अपरिचित समूहले गोठपानी गाविसको सुँगुरेमा बा २ प १४८७ नम्बरको यात्रुबाहक बसमा पेट्रोल बम प्रहार गरेको हो ।
बम प्रहारबाट बसको पछाडिको भाग जलेको छ । मानवीय क्षतिबारे खुल्न सकेको छैन ।
बिहान नै बाराको पथलैया-निजगढ सडक खडण्ड अन्तर्गत दुधौरा खोला नजिक ना ३ ख ५६९७ नम्बरको ट्रकमा अपरिचित समूहले पेट्रोल बम प्रहार गरेको छ । दुई जना आक्रमणकारीले गरेको बम प्रहारमा चालकसहित दुई जना घाइते भएका छन् । घाइतेको बीरगञ्जस्थित नारायणी उपक्षेत्रीय अस्पतालमा उपचार भइरहेको इलाका प्रहरी कार्यालय सिमराका प्रहरी निरीक्षक जयराम कुइकेलले जानकारी दिए । ekantipur
कार्तिक २८ गते, २०७० मा प्रकाशित
