सिरहा । सिरहा क्षेत्र नम्बर ५ मा पर्ने कर्जन्हामा एमाओवादीका दुई समूहबीच गएराति साढे ९ बजे झडप भएको छ ।
अध्यक्ष दाहालबाट टीका लगाएर एमाओवादीमा हालै प्रवेश गरेका पूर्वसभासद् विष्णुलाल वाइवा र एमाओवादीका जिल्ला इन्चार्ज अविनाश भनिने अजय नायक समूहबीच झडप भएको हो । झडपमा दुवै समूहका एमाओवादीका करिब १० कार्यकर्ता घाइते भएका इलाका प्रहरी कार्यालय मिर्चैयाले जनाएको छ ।
घाइते हुनेहरुमा कर्जन्हा-२ का ४५ वर्षका बहादुर महरा, सोही ठाउँका ५० वर्षका खेलाओन महरा, नथुनी मुखिया लगायतका छन् । घाइते सबैको कर्जन्हास्थित फूलकुमारी महतो मेमोरियल अस्पतालमा उपचार भइरहेको छ ।
कार्तिक २९ गते, २०७० मा प्रकाशित
