कोमल भट्ट
पुरानो नैकाप,काठमाडौँ
हाल:- न्युयोर्क,अमेरिका
————-
बारम्बारै बन्द पार्दा रोएको छ देश आज
निरपराध मान्छे मार्दा रोएको छ देश आज
किन दिन्छन् निमुखालाई शासना यी नेताहरु
नेपालीले आँसु झार्दा रोएको छ देश आज
छैन यहाँ नैतिकता र इमान्दारी कसै सँग
समझदारी सधैँ टार्दा रोएको छ देश आज
आफू बन्न पाए पुग्यो भन्छन् यहाँ धेरै जना
जनताका इच्छा हार्दा रोएको छ देश आज
गरी खान पाउनु पर्ने अधिकार हो नागरिकको
सबको हकमा बार बार्दा रोएको छ देश आज
मंसिर ३ गते, २०७० मा प्रकाशित
