काठमाडौ – अमेरिकी पूर्वराष्ट्रपति जिम्मी कार्टर आइतबार बिहान मन्त्रिपरिषद् अध्यक्ष खिलराज रेग्मीसँग भेट गरेका छन् ।
बालुवाटारमा भएको भेट मंगलबार हुने संविधानसभा निर्वाचनमा केन्द्रित रहृयो । उनी चुनाव अवलोकन गर्न शनिबार काठमाडौं आएका हुन् ।
कार्टरले पहिलो संविधानसभा चुनावको पनि पर्यवेक्षण गरेका थिए ।
उनले शनिबारै पूर्वप्रधानमन्त्री तथा एमालेका वरिष्ठ नेता माधवकुमार नेपाललाई भेटेर चुनावी तयारीबारे जानकारी लिएका थिए ।
कार्टरले आइतबार नै राष्ट्रपति रामवरण यादव, प्रमुख निर्वाचन आयुक्त नीलकण्ठ उप्रेतीलगायतलाई भेट्ने कार्यक्रम छ । उनी ६ दिन नेपाल बस्नेछन् ।
कार्टर सेन्टरले १२ दीर्घकालीनलगायत ६४ पर्यवेक्षक परिचालन गरेको छ । Ekantipur
मंसिर ३ गते, २०७० मा प्रकाशित
