म्याग्दीको घतान गाविस-७ नेप्टेचौरस्थित राष्ट्रिय मावि नजिक एक संकास्पद बस्तुसहित दुईवटा बम फेला परेको छ। नेपाली सेनाको इन्द्रबक्सबाट गएको टोलीले बम निस्कृय गराएको छ।
विद्यालयको प्रवेशद्धारमा राखिएको बमको डिस्पोजल टोलीले डेटोनियटर जडान गरेर एकलाई विष्फोट गराएको थियो भने अर्कोलाई सुरक्षित तरिकाले निस्कृय गरिएको जिल्ला प्रहरी कार्यालय म्याग्दीले जनाएको छ।
विद्यालय घतान गाविसको मतदान केन्द्र समेत रहेकाले मतदातालाई त्रसित बनाउन यस्तो गरिएको हुनसक्ने अनुमान गरिएको छ।
setopati.com
मंसिर ३ गते, २०७० मा प्रकाशित
