वैद्यसँग कार्यगत एकता गरी आन्दोलन: टोपबहादुर रायमाझी

वीरेन्द्र केसी

सन्धिखर्क, अर्घाखाँची । एमाओवादी नेता टोपबहादुर रायमाझीले चुनावमा सरकारले धाधली गराएर एमाओवादीलाई हराएकाले अब वैद्य माओवादीसँग सहकार्य गरेको सडक आन्दोलनमा जाने बताएका छन । 

उनले पडयन्त्र पुर्वक परिवर्तनको एजेण्डा बोकेको दल एमाओवादीलाई हराएकाले निपक्ष छानविन आयोग गठन गर्नुपर्नेमा जोड दिए । मंसिर ४ को चुनाव परिवतर्नकारीको हार र पश्चगमनकारीको जित भएको छ, रिपोर्टर्स क्लवको साक्षात्कारमा उनले भने, काग्रेस एमालेले ०४७ सालको संविधान ब्युताउने खेलमा लागेका छन । उनले बहुमतीय रुपमा सरकार गठन गरिए मान्य नहुने तर सहमतीय प्रणाली अपनाएर सदनमा भाग लिन सकिने बताए । संविधानसभा एमाओवादीको एजेण्डा भएकाले सदन र सडक संघर्षबाट परिवर्तनकारीको पक्षमा सविधान बनाउने लाग्ने दावी गर्दै वैद्य पक्षीय माओवादीसँग कार्यगत एकता गरी संघर्ष गर्ने बताए । उनले मत पेटीकामा पडयन्त्रपुर्वक धाधली भएकाले एमाओवादीको धेरै सिट नआएको बताए । 

अर्घाखाँची क्षेत्र नं. १ का विजयी भएका रायमाझीलाई  जनताको पक्षमा लोकतान्त्रिक संविधान लेख्न क्लवले सम्मान गर्दै डायरी र कलम उपहार दिएको छ । कार्यक्रम वीरेन्द्र केसीको अध्यक्षता र गणेश खनालको सञ्चालनमा सम्पन्न भएको थियो ।