चिदिका, बल्कोटमा निर्वाचित सभासद रायमाझीलाई भव्य स्वागत

बल्कोट । चिदिका,बल्कोटका स्थानीय बासिन्दाले क्षेत्र नं. १ का निर्वाचित सभासद टोप बहादुर रायमाझीलाई बाजा गाजा ,फुलमाला सहित भव्य स्वागत गरेका छन् । निर्वाचनमा विजय भएपछि मतदातालाई बधाई तथा धन्यवाद दिन गाउँ – गाउँमा पुग्ने क्रममा आजे दुई गाविसमा रायमाझी पुग्नु भएको हो । 

स्थानीय जनताले गाउँमा खानेपानीको निकै समस्या भएकाले समाधान गर्नको लागी पुर्व मन्त्रि रायमाझीलाई आग्रह गरेका थिए । कार्यक्रममा बोल्दै रायमाझीले पुर्वि क्षेत्रको विकास र खानेपानीको समस्या हल गर्न आफुले पहल सुरु गरेको बताउनुभयो । 

कार्यक्रममा केन्द्रिय सदस्य यमुना भुसाल, जनवर्गिय संगठनका ईन्चाज ठाकुर कुमार विक, राज्य कमिटी रामलाल पराजुली, धर्मराज भुसाल, बल्कोट गाविसका अध्यक्ष दिलराज पौडेल, चिदीका गाउँ कमिटीका अध्यक्ष पशुपति अर्याल लगाएतलको उपस्थिती रहेको थियो । कार्यक्रमको सञ्चालन प्रकास ज्ञवाली गर्नुभएको थियो ।