नेपाल भारत बिचको सम्बन्धलाई प्रगाढ बनाउन-नेपाल-भारत सास्कृतिक महोत्सव २०१४ हुँदै

कला ,साहित्य र सस्कृतिको बिकाश गरौ नेपाल-भारत बिचको मैत्रीपूर्ण सम्बन्ध कायम राखौ भन्ने मूल उद्देश्यका साथ हुन गईरहेको नेपाल- भारत सास्कृतिक महोत्सव २०१४ अहिले अत्यन्त चासोको बिषय बनेको छ । प्राय सबै स्थानमा सो कार्यक्रमको बिषयलाई लिएर आफ्नै ढंगले मूल्याकन गर्दै बहस गर्ने गरेको देखिन्छ।

सर्बप्रथम नेपाल – भारत सास्कृतिक महोत्सव -२०१४ को आयोजना लुम्बिनी गौतम बुद्ध चेरिटेबल ट्रस्टले गर्न लागेको कुरा सबैलाई अबगत नै छ । 

ट्रस्ट आफै मा बिसुद्द सामाजिक संस्था रहेको हुनाले पनि यस् को कुनै पनि राजनीतिक स्वार्थ छैन भन्ने कुरा प्रस्ट हून जरुरी छ।यो कार्यक्रम को लक्ष्यनै दलीय ,जातीय,क्षेत्रीय र लिंगीय स्वार्थ भन्दा माथि उठेर देश बिकाश कार्यमा संपूर्ण नेपालीहरुलाई गोलबंद गर्नुनै हो । 

राजनीति आफैमा राम्रो होइन भन्ने हाम्रो मान्यता कदापि होइन तर राजनीतिक ब्यबस्था राम्रो नभएकोले नेपालको धेरै ठुलो युवाशत्ती आफैमा बिकेंद्रिकृत भई रहेको छ । नेपाल र नेपालीको नाताले सबै नेपाली एकजुट हुने हो भने सायद संसारमा हामी ले गर्न नसक्ने कुनै पनि काम छैन । यधपी हामीलाई बिकेंद्रिकृत गर्ने दलीय,जातीय,क्षेत्रीय र लिंगीय परबिर्तिहरु बिरुद्द जनमत जुटाउनु र युबा हरुलाई एकजुट बनाई देश बिकाश कार्यमा योगदान पुर्याउन यस्  कार्यक्रमले महत्वपूर्ण भूमिका निर्बाह गर्नेमा आयोजक आशावादी छ । 

हामी आफ्नो मुलुक देखि धेरै टाढा छौ । अझ खास गरी प्रवासमा बसोबास गर्नेको संख्या दिन प्रति दिन बढ़ी रहेको छ । यसको मुख्य कारण बेरोजगारी नै हो देश मा रोजगार को समस्याले प्रवासमा आफ्नो जीबन गुजार्न विवश प्रबासी नेपालीहरु अहिले आफ्नो सस्कृति सस्कार र परंपरा नै भुल्ने समस्या सम्म तीब्र देखिएको छ । 

खास गरी दोस्रो पुस्ता ले आफ्नो भाषा सम्म बुझ्न नसक्ने अबस्था गम्भीर रूपमा बढ्दै गएको छ । आफुलाई नेपाली भन्न समेत तयार नरहेको यो अबस्थामा एउटा ठुलो अभियान लिएर हिडन जरुरी थियो। हामी नेपाली संसारकै स्वाभिमान छौ । हामी कसैका गुलाम होइनौ र जहा बसे पनि हाम्रो पहिचान बनाउन जरुरी छ र गौरबका साथ ‘म नेपाली हु’ भन्न सक्नु पर्छ । त्यसको लागि हामी गौरबपुर्ण काम समेत गरेर देखाउनु पर्छ  भन्ने उद्देश्यका साथ “२६ जनवरी -२०१४ को दिन एउटा अभियान कै रूप मा नेपाल- भारत सास्कृतिक महत्सव को आयोजना गरिदै आएको छ । 

यस् कार्यक्रम मार्फ़त निम्न बर्गका नेपाली तथा भारतीय जनतालाई नेपाली द्वारा फ्री मेडिकल क्याम्प लगाउने तथा कम्बल ,कपड़ा इत्यादि बितरण गर्ने कार्यले हामी गौरबका साथ ‘नेपाल र नेपाली हु’ भन्न हिचकिचाउनु पर्दैन भन्ने कार्यक्रमले संसारभर सन्देश दिएको छ । 

 

बिगतका कार्यक्रममा देखिने जन सहभागिताले पनि के प्रस्ट पार्दछ भने ‘प्रबासमा बसने प्रबासी नेपाली हरु राजनितिक स्वार्थ भन्दा माथि उठेर आफ्नो परंपरा ,सस्कार र सस्कृति लाई बचाउन र साथ साथै देश बिकाश कार्यमा समेत सहभागी हून चाहन्छन । बिभिन्न राजनितिक नाम मा गरिने कार्यक्रमको झिनो सहभागिता देख्दा र यहा आफ्नो सस्कृति बचाउन देखिने सहभागीताले अब प्रबासमा बस्ने प्रबासी नेपालीहरु गोर्खे ,कान्छा,बाहदुर भएर मात्र होइन भारतीय जनतालाई सहयोग गर्न पनि पछि हट्दैनन भन्ने सन्देश दिएको छ । कार्यक्रममा नेपाल बाट राष्ट्रिय पहिचान बनाएका कलाकार तथा भारतमै रहेर कलाकारिता क्षेत्रमा कार्यरत नेपाली कलाकारको बाक्लो उपस्थिती हुने छ । 

नेपाल-भारत सास्कृति मैत्री महोत्सव-२०१४ ले नेपाली र भारतीय जनता बिचको एकता,मित्रता अझ बलियो बनाउनेमा आयोजक थप विश्वाश लिएो छ । त्यस्रथ अब आफुलाई गौरबका साथ नेपाली हु भन्नको लागि यो गौरबपूर्ण कार्यमा सबैको सहभागिता हून जरुरी छ भन्दै उक्त कार्यक्रम ले हामी सबैको एकता मित्रता र सफलता कायम राख्ने विश्वाश लिएका छौ । 

————-