एकीकृत नेकपा माओवादीको केन्द्रीय समितिले समानुपातिक सभासद छान्ने जिम्मा केन्द्रीय कार्यालयलाई दिएको छ ।
आइतबार बसेको बैठकले सभासद छान्ने जिम्मा अध्यक्ष पुष्पकमल दाहाल प्रचण्ड, नेता बाबुराम भट्टराई र नारायणकाजी श्रेष्ठ प्रकाश रहेको केन्द्रीय कार्यालयलाई दिएको हो ।
एकीकृत माओवादीले समानुपातिक सभाषद छान्दा पार्टीमा योगदान गर्ने, घाईते र शहीद परिवार र प्रत्यक्षमा हारेका जिल्लालाई प्राथमिकता दिने निर्णय गरेको छ । त्यस्तै चुनावमा घात गर्नेलाई पनि एकीकृत माओवादीले सभाषद बनाउने छैन् ।
केन्द्रीय कार्यालयले टुंगो लगाउनु अघि पोष्टबहादुर बोगटी नेतृत्वको छनौट समितिले सूचिको परिक्षण गरी केन्द्रीय कार्यालयलाई बुझाउनेछ र केन्द्रीय कार्यालयले पनि छनौट समितिसँग छलफल गर्नेछ ।
बैठकले दलहरुबीच भएको चार बुँदे सहमति अनुमोदन गरेको नेता नवराज सुवेदीले जानकारी दिनुभयो । केन्द्रीय समितिको अर्को बैठक २६ गते बस्नेछ ।
पौष १५ गते, २०७० मा प्रकाशित
