सन्धिखर्कबाट काठमाडौं जाँदै गरेको रात्रिबस फुद्वाङको राटटारीमा दुर्घटना, मृत्यु हुनेको संख्य तीन पुग्यो ४३ जना घाइते (अपडेट)

वीरेन्द्र केसी                

सन्धिखर्कबाट काठमाडौका लागि छुटेको रात्रि बस सदरमुकाम नजिकै फुदवाङ्गस्थित शेरा भन्ने ठाउँमा सोमबार साँझ पाँच वजे दुर्घटना हुँदा तीन जनाको ज्यान गएको छ भने ४३ जना घाइते भएका छन ।

घाइतेमध्ये २० जनाको अवस्था गम्भीर छ । गम्भीर घाइतेलाई लुम्बिनी अञ्चल अस्पताल बुटवल लगिएको प्रहरीले जनाएको छ । अरुको जिल्ला अस्पताल सन्धिखर्कमा उपचार भइरहेको छ ।  

मृत्यु हुनेमा अर्घाखाँची हंसपुर-२ की ५२ वर्षीया रामकला  केसी, बर्दिया मैनापोखरीका ४२ वर्षीय हरिलाल चौधरी र अर्घाखाँची बाँगी- ३ का ३० वर्षीय देवेन्द्र थाा रहेको प्रहरी नायव उपरीक्षक हीराबहादुर पाण्डले बताए ।

केसी र चौधरीको घटनास्थलमै तथा थापाको लुम्बिनी अञ्चल अस्पतालमा उपचारको क्रममा मृत्यु भएको हो ।

चौधरीको अर्घाखाँचीको चन्दननाथ गण नेपाली सेनाका जवान हुन् । बेलुका साढे चार वजे सन्धिखर्कबाट काठमाडौका लागि छुटेको बस सदरमुकाम नजिकै तीन किलोमिटरमा पुग्दा दुर्घटना भएको हो ।

बस उकालो चढ्दै गर्दा विपरीत दिशाबाट आएको लु १ ख ७१३५ नम्बरको मिनी ट्रकले ठक्कर दिँदा दुर्घटना भएको हो । बस सडकबाट करिब दुई सय मिटर तल खेतमा खसेको थियो ।

ओरालोमा तीव्र गतिमा आएको मिनी ट्रकले साईट दिन खोज्दा सडक साँधुरो भएका कारण बसलाई ठक्कर दिएकाले दुर्घटना भएको पाण्डेले बताए ।

सडकबाट तल खस्दा खेतमा रहेको विजुलीको पोलमाथि बस परेको थियो । विजुलीको नांगो तारमा बस परेकाले करेन्ट लगेर समेत केही यात्रु घाइते भएको पाण्डेको भनाई छ । घाईतेको प्रहरी, नेपाली सेना र स्थानीयबासीले उद्धार गरेका थिए ।