अर्घाखाँची बस दुर्घटनाका घाईतेको निशुल्क उपचारको लागी रायमाझीको आग्रह

अर्घाखाँची । एकिकृत नेकपा माओवादीका नेता टोप बहादुर रायमाझिले पौष २२ गते अर्घाखाँची जिल्लामा भएको बस दुर्घटनाका घाईतहरुलाई निशुल्क रुपमा प्रभावकारी उपचारको व्यवस्था मिलाउन राज्यको ध्यानाकर्षण गराउनु भएको छ । 

अर्घाखाँची जिल्ला क्षेत्र नं.१ का विजयी सभाषद् समेत रहनु भएका उहाँले घटना प्रति गहिरो दुःख व्यक्त गर्दै मृतकका परिवारलाई क्षतीपुर्ति उपलब्ध गराई घाईतेहरुको उचीत स्वास्थ्य उपचारको प्रबन्ध मिलाउन सरकार र यातायात व्यवसायीलाई आग्रह गर्नुभयो । 

जिल्लामा पटक-पटक हुने दुर्घटनामा निर्दोष यात्रुहरुको ज्यान जानुका साथै अङ्गभङ्ग र घाईते लगायतका घटना बढ्दै जानु गम्भीर चूनौतीको विषय भएको बताउँदै आगामी दिनमा यस्ता खाले दुर्घटना हुन नदिने सबै पक्ष सजग हुनु पर्ने बताउनु भयो । साथै रायमाझिले मृतकप्रति हार्दिक श्रद्धाञ्जली अर्पण गर्दै घाईतेहरुको स्वास्थ्य लाभको कामना गर्नु भएको छ ।