अर्जुन भुसाल
सन्धिखर्क, अर्घाखाँची, माघ ७ । निजी तथा आवसीय विद्यालय अर्गनाइजेशनका ( प्यावसन ) अर्घाखाँचीको चौथो सम्मेलनले नारायणप्रसाद पौडेलको अध्यक्षतामा निर्विरोध ११ सदस्यीय नयाँ कार्य समितिको चयन गरेको छ । जसको उपाध्यक्षमा गणेश क्षेत्री, सचिवमा मोहनराज भुसाल, सहसचिवमा सालिकराम भुसाल, कोषाध्यक्षमा विष्णुप्रसाद भुसाल र सहकोषाध्यक्षमा नारायण खनाल रहेका छन् । यस्तै सदस्यहरुमा वामदेव खनाल, धनेश्वर पाण्डे, कमल बेल्वासे, रिना खनाल, इश्वरी प्रसाद खनाल, रहेका छन् ।
अधिवेशनको उदघाटन शत्रलाई सम्वोधन गर्दै वरिष्ठ उपाध्यक्ष लक्ष्य केसीले आगामी शैक्षिक शत्रबाट प्यावसनमा आवद्ध निजि विद्यालयहरुले विद्यार्थीहरुको शुल्कमा वृद्धि गर्ने बताए । केसीले निजी विद्यालयहरुलाई टिकाइ राख्न पनि आपूmहरुले पटकपटक शुल्क वृद्धि गर्न वाध्य भएको बताए । उनले अहिले कति प्रतिशत शुल्क वृद्धि गर्ने भन्नेबारे अझै टुङ्गो लगाइ नसकिएको बताए । सकारले निजी विद्यालयमाथि विभेदकारी निति ल्याएको उनले बताए । सकारले हामी माथी कर थुपारिरहेका छ उनले भने, हामीले शुल्क वृद्धि नगरे चल्न सक्ने अबस्था छैन । उनले अब अभिभावकहरु पनि सरकार सँग लडनुपर्ने बताए । अभिभावकले पनि शुल्क वृद्धि गर्दा विरोध जनाउँनु हुदैन उनले भने, यसका लागि सरकार सँग कडा माग राखेर अभिभावक पनि आन्दोलनमा जानुपर्छ ।
उनले सरकारले निजि क्षेत्रसँग साझेदारी गरेर काम गर्नु पर्ने भएपनि अहिले सम्म कुनै वास्ता नगरेको बताए । हामी राज्य सँग पटकपटक आफ्ना समस्याहरु राख्यौं, तर राज्यले कुरै सुनेन उनले भने । उनले निजि विद्यालयले देशका दुइ लाख जनशक्तिलाई रोजगारी प्रदान गरेको बताए । राज्यले निजी विद्यालयलाई पाँच प्रतिशत कर तिर्न लगाएर उल्टै ढाड सेक्ने काम गरेका उनले बताए ।
महासचिव डि.के ढुङ्गनाले सरकारले खर्च गर्ने प्रति विद्यार्थी शुल्क भन्दा निजि विद्यालयका विद्यार्थीको प्रति विद्यार्थी शुल्क धेरै कम भएको बताए । उनले कतिपय जिम्मेवार व्यक्तिलेनै निजि विद्यालयलाई वदनामीत बनाउँन खोजेको बताए । उनले राजनीतिक दलहरुले पनि निजि विद्यालयका समस्या समधान गर्न कुनै पहल नगरेकने बताए । उनले संविधानसभाको निर्वाचनमा नेपाली कांग्रेसले बाहेक अन्य कुनै दलले आफ्नो घोषणा पत्रमा निजि विद्यालयको कुरा नउठाएको बताए । दलहरुले पनि हाम्रा समस्या हल गर्न कन्जुस्याइ गरेका छन्, उनले भने, अब हामी सशक्त ढङ्गले लाग्नुपर्छ ।
प्रमुख जिल्ला अधिकारी सागरमणि पाठकले शैक्षिक क्षेत्रमा भएका विकृत विसङगति हटाउँनुपर्ने बताए । उनले निजि क्षेत्रको सिन्डिकेटका कारण अभिभावक र विद्यार्थी मर्कामा पर्ने गरेको बताए । सरकारी निकाय, निजि क्षेत्र र गैर सरकारी संस्थाको सहकार्यमा शिक्षा क्षेत्रको विकास हुन सक्छ उनले भने । जिल्ला शिक्षा कार्यालयका उपसचिव नरेन्द्र बेल्वासेले कर तिरेमा मात्र सेवा गरेको पुष्टि हुने बताए । कर तिर्न गाह्रो मान्नु हुदैन
माघ ७ गते, २०७० मा प्रकाशित
