अर्जुन भुसाल
सन्धिखर्क, अर्घाखाँची माघ ८ । यहाँका सरोकारवाला संघसस्थाका प्रमुख तथा प्रतिनिधिहरुले यस वर्षको जिल्ला परिषदबाट कृषि क्षेत्रमा सबै भन्दा धेरै वजेट विनियोजित गर्नेमा जोड दिएका छन् । रिपोर्टर्स क्लव अर्घाखाँचीले गरेको अन्र्तक्रिया कार्यक्रममा बोल्दै उनीहरुले कृषि प्रदान देशमा कृषिका लागि धेरै वजेट खर्च गरिनुपर्नेमा जोड दिएका हुन । विगतका वर्षहरुमा सडकलाई मात्र वजेट छुट्टाउँदा कृषि क्षेत्र ओझेलमा परेको भन्दै उनीहरुले कृषिमा पकेट क्षेत्र छुट्टाएरै बजेट विनियोजन गर्नुपर्नेमा एकमत भए ।
नेपाली कांग्रेसका जिल्ला सभापति कमलप्रसाद भुसालले कृषिमा लगानी गर्ने रकमलाई कृषि सडक भन्दै बजेट विनियोजित गर्दा समस्या आएको बताए । उनले अब सडकलाई नभएर उत्पादन मूलक कृषिलाईनै विशेष जोड दिने बताए । जिल्लाबाट बजेट गाउँमै जाने भएकाले काम भएनभएको बारे अनुगमनलाई कडाइ गर्नु पर्ने बताए ।
माघ ८ गते, २०७० मा प्रकाशित
