काठमाडौं,फाल्गुन ४ । आगामी फागुन ६ गते मंगलवार संविधानसभा अध्यक्षको चुनाव हुने भएको छ । संविधाासभाको पहिलो बैठक बसेको झण्डै एक महिनापछि संविधानसभा अध्यक्षको चुनाव हुने भएको हो । कार्यव्यवस्था परामर्श समितिको सिफारिसमा आज बसेको संविधानसभा बैठकले फागुन ६ गते साझ ५ बजे संविधानसभा अध्यक्षको चुनाव गर्ने निर्णय गरेको हो ।
दलहरुबीच सहमति भए भोलि बिहान १ देखि २ बजेसम्म उम्मेद्वारको मनोनयन र सहमति नभएको अवस्थामा पर्सि १ देखि २ बजेसम्मका लागि उम्मेद्वारको मनोनयनका लागि समय तोकिएको छ ।
संविधानसभा अध्यक्षमा नेकपा एमाले र एकीकृत माओवादीले दावी गरेका छन् । प्रधानमन्त्री निर्वाचनका क्रममा काँग्रेस र एमालेबीच एमालेलाई सभामुख दिने सहमति भएको थियो । संविधानसभाको अर्को बैठक मंगलवार बस्नेछ । IMAGECHANNELS
फाल्गुन ४ गते, २०७० मा प्रकाशित
