वर्षा-हिमपातका कारण प्रभावित बनेको अर्घाखाँचीको जनजीवन सामान्य बन्दै

 

सन्धिखर्क, अर्घाखाँची २०७० फागुन ०४ । शुक्रबारदेखि वर्षा सँगै परेको हिमपातका कारण प्रभावित बनेको अर्घाखाँची जिल्लाको जनजीवन आजबाट सामान्य बन्दै गएको छ । 

हिमपातका कारण जिल्ला भरको जनजीवन अस्तव्यस्त रहेको थियो। 

अर्घा र खाँची लगायतका उच्च क्षेत्रमा भारी हिमपात भएको थियो । 

 

यसैगरी केही दिन देखि अवरुद्द विधुत सुचारु भएको छ। 

अर्घाखाँचीमा वर्षा सँगै हिमपात भएपछि किसानहरु उत्साहित भएका छन् ।

 

वर्षा सँगै हिउँ परेपछि माटोको उर्वराशक्तिमा बृद्धि हुने, माटोको चिस्यान लामो समयसम्म कायम रहने भएकाले किसान उत्साहित भएका हुन् ।