लिबियाको सैन्य विमान ट्युनिसियामा दुर्घटनाग्रस्त हुँदा ११ जनाको मृत्यु भएको छ । ट्युनिसियाको राजधानी ट्युनिसको ४० किलोमिटर दक्षिणमा रहेको ग्रोम्बालिया नजिक विमान जमिनमा खसेको स्थानीय अधिकारीहरुले बताएका छन् ।
विमानमा ३ जना डाक्टर र २ बिरामीका साथै चालक दलका ६ सदस्य रहेको ट्युनिसियाको उद्दार दलले जनाएको छ । इन्जिनमा खराबी आएका कारण विमान दुर्घटना भएको हुन सक्ने अधिकारीहरुले बताएका छन् ।
पूर्व शाशक मुअमार गद्याफीको पतनसँगै सुरु भएको गृहयुद्धबाट भर्खरै माथि उठ्दै गरेको लिबियाका जनताहरु प्रायः जसो स्वास्थ्य उपचारका लागि ट्युनिसिया जाने गर्दछन् । (एजेन्सी)
फाल्गुन ९ गते, २०७० मा प्रकाशित
