काठमाडौँ , फाल्गुन २५ । काठमाडौंको सिनामंगलस्थित नोबल कलेज पछाडिको सुकुम्बासी बस्तीमा आगलागी भएको छ ।
दिउँसो साढे १ बजे भएको आगलागीबाट सुकुम्वासी वस्तीका ५० टहरा जलेर नष्ट भएको प्रहरी नायव उपरीक्षक अभिनारायण काफ्लेले बताउनुभएको छ । भारतको मद्रासबाट आएका सुशील विजयानन्दका २७ तथा गोपाल जगलुका २३ वटा टहरा जलेका हुन् । लक्ष्मी गिरीको टहराबाट विद्युत सर्ट भई आगलागी सुरु भएको प्रहरीले जनाएको छ ।
नेपाली सेना, सशस्त्र प्रहरी, नेपाल प्रहरी र दमकलको प्रयासपछि आगो नियन्त्रणमा लिइएको छ । वस्तीका घरहरु प्लाष्टिक, बाँस, काठले बनेकाले आगो तुरुन्तै फैलिएपछि उक्त क्षति भएको हो । आगलागीबाट वस्ती नजिकैको कल्पना भण्डारीको तीन तल्ले पक्की घरमासमेत क्षति पुगेको छ । IMAGECHANNELS
फाल्गुन २५ गते, २०७० मा प्रकाशित
