फाल्गुन २७ । भारत छत्तीसगढको बस्तरमा माओवादी आक्रमणमा अर्धसैनिक बलका १६ जना जवान मारिएका छन् । घटनामा २५ जना घाइते भएको खबर छ । प्रहरीका अनुसार दुई जना नक्सली पनि मारिएका छन् ।
घटना तोगपालनजिकको दरभा घाँटीमा भएको हो । सडक निर्माण कामको सुरक्षाका लागि गस्ती गरिरहेका ४४ जनामाथि उक्त आक्रमण भएको थियो ।
गत वर्ष दरभा घाँटीमै माओवादीले आक्रमण गर्दा कांग्रेसका प्रभावशाली नेता विद्याचरण शुक्लसहित ३१ जना मारिएका थिए । (एजेन्सी)
फाल्गुन २८ गते, २०७० मा प्रकाशित
