अर्घाखाँचीमा १ सय ७२ जना एसएलसी परिक्षा दिनबाट बञ्चित, पहिलो दिन एक जना छात्रा मात्र निष्कासित

सन्धिखर्क, अर्घाखाँची २०७० चैत्र ०६ बिहीवार ।     अर्घाखाँचीमा यो वर्ष १ सय ७२ जना एसएलसी दिनबाट बञ्चित भएका छन् । ७५ प्रतिशत हाजिरी नपुगेकाले विद्यार्थीहरु परिक्षा दिनबाट बञ्चित भएका हुन ।  जिल्लाका विभिन्न विद्यालयबाट  १ सय २३ छात्रा र ४९ छात्र गरि जम्मा १ सय ७२ जना एलएल सी दिनबाट बञ्चत भएको जिल्ला शिक्षा अधिकारी मित्रमणि खनालले जानकारी दिए ।

यस बर्ष जिल्लामा ३ हजार ५३ नियमित र १८  सय ५० जना एक्जेम्टेड गरि जम्मा ४९ सय ३ जना विद्यार्थी परिक्षामा सहभागि भएका छन् । नियमित तर्फ ३२ सय २५ जनाले आवेदन भरेपनि हाजिरी नपुगेका कारण १ सय  ७२ जना विद्यार्थी परिक्षामा बस्न पाएनन् । एसएलसीको पहिलो दिन जिल्लामा एक जना छात्रा मात्र निष्कासित भएकी छिन । कालिका नेरा उमाविकी एक्जेम्टेड तर्फकी बर्षा अधिकारी चिट चोर्दै गर्दा निष्काशित भएकी हुन ।

 

जिल्लामा यो वर्ष १६ ओटा परिक्षा केन्द्र तोकिएको छ । परिक्षामा १६ ओटा केन्द्राध्यक्ष,२४ ओटा सहायक केन्द्राध्यक्ष, २०३ निरिक्षक र ६७ सहयोगी गरी ३ सय १० जनालाई खटाइएको अनौपचारिक शिक्षा शाखा प्रमुख जमुना भण्डारीले बताइन । परिक्षालाई मर्यादित बनाउन १ सय ६० जना प्रहरी खडाइएको जिल्ला प्रहरी कार्यालयका प्रहरी निरिक्षक गोविन्द पन्थीले बताए ।